Toonami është padyshim një nga arsyet kryesore përse anime sot është kaq e njohur dhe e pëlqyer dhe Adult Swim sjell shumë nga animet më të mëdha në rrjetin e tij televiziv. Shpesh herë ka edhe raste personalizimi për të gjitha shfaqjet e këtij të fundit, të cilat rezultojnë në disa materiale të shkurtra dhe argëtuese.
Fansat e Rick and Morty morën një surprizë të këndshme kur Adult Swimm solli një anime CG animated me një perspektivë të frymës së samurai mbi Rick and Morty, teksa dyshja luftonin në mënyrë të përgjakur një grup me Rick që po i sulmonin. Me gjuhën japoneze në sfond dhe titrat në anglisht poshtë, ishte një mënyrë tepër e mirë për t’ju dhënë diçka fansave derisa të vijnë episodet e reja.
E titulluar “Samurai & Shogun” fragmenti merr inspirim nga disa projekte të famshme anime si Lone Wolf & Cub dhe krijon një botë të re fantastike me të.
Teksa ende jemi duke pritur për lajme mbi pesë episodet finale të sezonit të 4 të Rick and Morty, kjo është një mënyrë për t’i mbajtur fansat e interesuar dhe aktivë. Plus tregon edhe se sa thelbësor është Toonami për botën e anime. Shikojeni videon më poshtë.