Publikohet trailer i sezonit të dytë të The Rising of the Shield Hero

Trailer-i i ri i The Rising of the Shield Hero konfirmon ardhjen e anime gjatë 2021

The Rising of the Shield Hero mori sot trailer-in e ri i cili konfirmoi se anime do të vij gjatë 2021. Publikimi i parë erdhi gjatë Crunchyroll Expo gjatë vitit të kaluar ku përveç se u konfirmua një sezon i dytë por gjithashtu u konfirmua edhe një sezon i tretë i serisë. Gjatë Crunchyroll Expo u prezantua gjithashtu edhe një panel special për The Rising of the Shield Hero ku u dhanë gjithashtu edhe shumë detaje për sezonin e dytë.

Këto detaje nuk përfshinë vetëm trailer-in e ri por edhe konfirmimin se sezoni i dytë është rrugës për lançim gjatë 2021. Stafi gjithashtu konfirmoi se skripti është i përfunduar dhe shumë elemente të serisë po bashkohen më në fund bashkë. Ata nuk zbuluan pjesët të cilat kjo anime do të mbulonte nga light novel por është zbuluar se një breshkë gjigante do të jetë pjesë e disa përballjeve të mëdha.

Në fakt është zbuluar gjithashtu se betejat gjatë këtij sezoni do të jenë më të forta bashkë me shumë personazhe të reja. Kjo do të përfshijë edhe personazhe të reja të cilët do t’i bashkohen grupit të Naofumi-t duke arritur nivele të reja të fuqisë dhe aftësive në mënyrë që të përballen me rreziqet që ata do të hasin. Stafi pas serisë zbuloi gjithashtu se ata do të përpiqen të mos e vonojnë shumë hapësirën midis sezonit të dytë dhe sezonit të tretë dhe se kanë shumë punë përpara.