Një lojë e re anime Bleach mund të vijë së shpejti

Anime e Bleach po përgatitet për rikthim me arc e fundit të saj të quajtur Thousand Year Blood War dhe disa thashetheme se së bashkë me të do të zbulohet edhe një lojë e re kanë nisur.

Ky informacion na ka ardhur nga llogaria në Twitter e Daily Bleach Scans i cili është shprehur se kur Tite Kubo(autori i manga së Bleach) është pyetur rreth lojës së re të Bleach, ai është shprehur se ka dëgjuar diçka rreth kësaj prej dikujt që ka informacion.

Edhe pse kjo nuk na jep një informacion të saktë, gjithsesi nuk besojmë se Tite Kubo do të jepte një informacion të rremë në lidhje me një lojë të re të Bleach. Gjithashtu kemi mësuar se loja do të vijë për konsole.

Për sa i përket studios zhvilluese, besojmë se do të jetë Bandai Namco pasi kjo studio merret me zhvillimin dhe publikimin e shumë adaptimeve anime nëpër lojëra. Disa prej tyre ka ecur goxha mirë por ka patur edhe raste kur ka qenë krejt e kundërta.

Herën e fundit që e kemi parë Bleach në një lojë në console ka qenë në Jump Force ku lojtarët mund të luanin karaktere nga anime të ndryshme, përfshirë këtu edhe Bleach. Gjithashtu edhe një lojë mobile e Bleach e quajtur Bleach Brave Souls erdhi së fundmi në PlayStation 4.

Por duhet të keni parasysh që akoma asgjë nuk është e saktë ose vërtetuar dhe thjesht mund të jenë disa thashetheme.