Adaptimi në anime i lojës Dragon’s Dogma do të vij së shpejti në Netflix
Adaptimi në anime i lojës Dragon’s Dogma do të vij së shpejti në Netflix
Para pak kohësh, Netflix postoi në kanalin e YouTube opening credits e anime Dragon’s Dogma. Muzika është kompozuar nga Tadayoshi Makino i cili ka kompozuar gjithashtu për shumë lojëra si Resident Evil 2, Monster Hunter World dhe sigurisht edhe për lojën e Dragon’s Dogma. Anime është planifikuar të vij këtë të enjte, më datë 17 shtator kudo në botë në platformën Netflix.
Dragon’s Dogma është një anime e prodhuar në bashkëpunim me Netflix dhe Sublimation dhe adaptim i lojës origjinale me të njëjtin emër. Trailer-i i kaluar na tregon më shumë se si do të duket anime dhe stilin vizual të tij. Kjo anime ka bashkuar animacionin 2D dhe teknologjinë mahnitëse CG( Computer Graphics) të Sublimation duke na sjellë adaptim të shkëlqyer të lojës.
Historia flet për Ethan, zemra e të cilit është rrëmbyer nga një dragua kur ai u përpoq të mbronte familjen e tij. Në vend që ai të vdiste, Ethan rikthehet përsëri në jetë si një “Arisen”. Tashmë që familja dhe qyteti i tij është zhdukur, ai niset në një udhëtim bashkë me një “Pawn” të cilën e quan Hannah për të marrë mbrapsht zemrën e tij. Por gjërat fillojnë të komplikohet teksa ai fillon të bëhet çdo herë e më pak human sa herë që ai vret përbindësha të cilët përfaqësojnë “Seven Deadly Sins”.