Netflix do të ketë një koleksion shumë më të madh anime për të zgjedhur deri në fund të këtij viti. Platforma streaming më e madhe në botë ka njoftuar në AnimeJapan 2021 Expo të Tokios se do të lançoi rreth 40 seri dhe filma anime brenda vitit, dyfishi i atyre të lëshuar vitin e kaluar. Ka të ngjarë që kjo të jetë pjesë e përpjekjeve të kompanisë për të tërhequr audiencat në Azi dhe në tregjet ndërkombëtare duke qenë se shumica e shikuesve të Amerikës së Veriut tashmë kanë abonime.
Gjatë eventit, Netflix ka zbuluar se është përfshirë në adaptimin anime-ja nga manga japoneze Record of Ragnarok, e cila bën fjalë rreth 13 perëndive që luftojnë 13 njerëz në beteja one-on-one për të vendosur fatin e njerëzimit.
Lista e serive anime që do të shfaqen premierë këtë vit gjithashtu përfshin The Way of the Househusband (e disponueshme duke filluar nga 8 prilli) në lidhje me një ish-yakuza që bëhet një shtëpiake. Një tjetër titull që ja vlen të përmendet është Resident Evil: Infinite Darkness, i cili do të ketë si aktorë dublimi të Claire dhe Leon ata nga remake-u i vitit 2019 Resident Evil dhe do të jetë në dispozicion për transmetim më vonë këtë vit.
Netflix gjithashtu ka zbuluar një poster të ri për Yasuke që vërtitet rreth një samurai me ngjyrë në një Japoni alternative feudale. Ndërkohë, Eden është një shfaqje e vendosur mijëra vjet në të ardhmen, përqendruar rreth dy robotëve që rrisin fshehurazi një fëmijë njerëzor, Sara, që ka qenë kriogjenikisht e ngirë për një kohë të gjatë. Seria është drejtuar nga Irie Yasuhiro, i cili gjithashtu drejtoi Fullmetal Alchemist: Brotherhood.
Koleksioni i larmishëm i Netflix mund të tërheqë adhuruesit e anime në të gjithë botën. Kompania thotë se Eden dhe Yasuke janë të dy “histori krejt të reja të sjellë në jetë nga krijuesit ndërkombëtarë, duke forcuar më tej ambiciet tona për të sjellë një varietet në formacionin tonë të anime-ve origjinale duke punuar me krijuesit më të mirë nga brenda dhe jashtë Japonisë”.