Së fundmi Netflix ka njoftuar se do të punojë me Junji Ito për të sjellë një seri të re anime e cila do të sjellë historitë më të mëdha dhe më të mira horror.
Për të gjithë ju që nuk e njihni, Junji Ito është një mangaka (person i cili merret me krijimin e manga) i famshëm në Japoni i cili njihet për historitë e tij horror dhe goxha të frikshme të cilat shpesh herë shkojnë përtej imagjinatës.
from the horror master of manga comes a new anime series: JUNJI ITO'S MANIAC #GeekedWeek pic.twitter.com/2Yjco9okbM
— Netflix Geeked (@NetflixGeeked) June 8, 2022
Sipas njoftimit të bërë dhe një video të shkurtër të ndarë më fansat gjatë Netflix Geeked Week të zhvilluar së fundmi, Junji Ito ka zbuluar se kjo seri anime do të adaptojë 20 histori horror nga Maniac: Tales of the Macabre. Kjo është hera e parë që kjo Maniac: Tales of the Macabre do të ketë një adaptim anime.
Në këtë video gjithashtu janë zbuluar disa prej historive që do të jetë pjesë të cilat janë: Tomie, Souichi dhe The Hanging Ballons. Akoma nuk është zbuluar stafi që do merret me serinë anime dhe pritet të vijë vitin tjetër.