Netflix publikon një anime të re Godzilla

Sipas njoftimit të bërë nga Netflix, anime e re do të quhet Godzilla Singular Point dhe do të realizohet nga studiot Bones dhe Orange

Netflix ka zbuluar se një anime e re Godzilla do të vijë së shpejti. Nga njoftimi i bërë nga Netflix është zbuluar se  animacioni do të kryhet nga studiot Bones dhe Orange të cilat do të bashkëpunojnë për një seri anime të Godzilla që historia e së cilës nuk do të ketë lidhje me trilogjinë e mëparshme. E quajtur Godzilla Singular Point, seria e anime do të kombinojë artin tradicional të vizatimit me dorë me animimin CG(Computer Graphics).

Sipas njoftimit të berë nga Netflix, Godzilla Singular Point do të përfshijë director Atsushi Takahashi dhe creative team e Kan Sawada të cilët kanë punuar në shumë prej serive dhe filmave anime te Doraemon. Pjesë do të jetë edhe novelisti Sci-Fi Toh Enjoe i cili do të bëjë debutimin e tij të para në një anime si editor dhe shkrimtar për ketë seri.

Krijuesi mbrapa anime së Blue Exorcist, Kazue Kato, do të jetë character designer dhe animatori Eiji Yamamori nga Studio Ghibli i cili ka qënë pjesë e Princess Mononoke, Spirited Away dhe The Wind Rises do të kryejë dizajnin për Kaiju. Në një postim në Twitter mund të shihen dizajnet e disa prej karaktereve që do të jenë pjesë e kësaj anime dhe Godzilla.

Godzilla Singluar Point është një nga projektet anime më të mëdha për Kaiju e cila do të vijë gjatë vitit 2021. Edhe pse Netflix ka nxjerrë më përpara një triologji të plotë me filma anime që përfshinte një lloji të ri Godzilla, kjo seri do të realizohet nga një skuadër tjetër dhe do të jetë një eksperiencë ndryshe për shkak të përzierjes midis vizatimit me dorë dhe animacionit CG.