Masamune-kun’s Revenge njofton një sezon të dytë

Pas sezonit të parë të transmetuar më 2017, Masamune-kun’s Revenge i la një pjesë të madhe të fansave në pritje për një kohë të gjatë. Dhe më fund pas pothuajse 5 vitesh, seria njofton një sezon të ri anime.

E titulluar zyrtarisht Masamune-kun’s Revenge R, sezoni i dytë u njoftua në llogarinë zyrtare të anime në Twitter. Bashkë me këtë njoftim ka ardhur edhe një trailer i shkurtër i cili na tregon pjesë të vogla nga anime e Masamune-kun’s Revenge.

Përveç këtij njoftimi dhe trailer, akoma nuk ka patur informacione se cili do të jetë stafi, studio ose kast i anime. Por duke marrë parasysh trailer mund të themi që anime do të ketë të njëjtën studio animacioni si sezoni i parë, Silver Link.

Anime e Masamune-kun’s Revenge flet për Makabe Masamune, një djalë i dobët dhe i shëndosh i cili refuzohet nga vajza që ai pëlqente, Adagaki Aki. Tashmë tetë vite më vonë ai ka humbur peshë, ka ndryshuar emër dhe rikthehet për të marrë hak ndaj vajzës që e refuzoi.