Manga e Attack on Titan do të përfundojë këtë prill dhe fansat mezi presin me krahë të hapura gjithçka që ka mbetur nga anime-ja. Anime e Attack on Titan ka miliona fansa të cilët janë të etur të dinë përfundimin dhe ata presin që një aksion i madh titanësh të vijë me finalen.
Kjo do të thotë që lexuesit e manga-s po rishikojnë serinë për të bërë parashikimet e tyre në minutën e fundit dhe duket se Kodansha (botues manga) është gati të lëshojë versionin më të madh të mangës së shpejti. Dhe duke thënë “më i madhi”, me të vërtetë nënkuptojmë më të madhin.
Attack on Titan po lëshon një manga me përmasa titani që do të jetë aq e madhe sa edhe Colossal Titan.
Sipas një lajmi të ri, Kodansha ka në plan të thyejë një rekord botëror me marifetin e tij të radhës. Ai planifikon të lançojë një set të kufizuar vëllimesh manga të cilat do të kenë një madhësi Colossal-e. Manga është menduar të përshtatet në duart e një titani 15 metra, kështu që ju e kuptoni pse duhet të jetë kaq i madh.
Thuhet se ky botim i Attack on Titan do të jetë mbi 1 m i gjatë dhe mbi 61 cm i gjerë. Kodansha ka raportuar se kjo manga me botim të kufizuar do të mbajë emrin si manga më e madhe në botë pasi ja kalon mbajtësit aktual të këtij rekordi në librin e Rekordit Botëror Guinness. Dhe nëse doni të dini se sa do të peshojë… epo – ju do të bëni mjaft stërvitje gjatë leximit pasi peshon 13.7 kile.
Aktualisht, ka plane për të botuar 100 kopje të kësaj manga dhe normalisht çmimi do të jetë i lartë. Vëllimi titan i Attack on Titan do të shitet me pakicë për afërsisht $1,500. Ai do të përmbajë vetëm dy kapitujt e parë të mangës, por hej – nëse doni të sillni në shtëpi një pjesë të historisë në versionin e një manga kolosale, ky është shansi juaj i vetëm.