Pothuajse 3 vite pas përfundimit të Season 2 të One Punch Man, Season 3 i serisë është konfirmuar se do të vijë së shpejti. Çfarë dimë deri më tani për One Punch Man Season 3?
E gjithë kjo gjë nisi me artistin e manga së One Punch Man, Yusuke Murata, i cili bëri hype fansat e serisë duke iu thënë se një njoftim i madh do të vijë së shpejti për serinë. Dhe kjo gjë u konfirmua sot me një njoftim se një sezon i ri për anime e One Punch Man do të vijë shumë shpejt.
Detajet rreth Season 3 të One Punch Man akoma nuk janë bërë të ditura përveç faktit që do të kemi një sezon të tretë. Dhe mund të themi që vetëm kjo gjë është një lajm goxha i madh për fansat e serisë anime.
Sezoni i parë i anime së One Punch Man u realizua nga Studio Madhouse, të cilët kryen një punë goxha të mirë për debutimin e serisë. Sezoni i dytë u pasua nga J.C Staff i cili erdhi me vlerësime të miksuara dhe nuk u prit shumë mirë.
Akoma nuk kemi shumë informacion se nga cila studio do të vijë por shpresojmë të mos jetë MAPPA për shkak të shumë projekteve që ka momentalisht në zhvillim. Informacione të reja priten që të publikohen së shpejti.
Për çfarë flet One Punch Man?
One Punch Man tregon historinë e Saitama i cili pas tre vitesh trajnim intensiv, arrin të fitojë fuqi goxha të madhe që e lejon atë të mund këdo me vetëm një goditje. Kjo gjë shumë shpejt bëhet e mërzitshme për të dhe ai është në kërkim të dikujt që t’i jap atij një sfidë dhe ta bëj të ndihet një hero.
Kjo gjë e bën atë të njihet me Genos, një cyborg i cili kërkon hakmarrje dhe që bëhet student i Saitama. Bashkë me të ata regjistrohen në Hero Association ku të dy së bashku duhet të gjejnë rrugën e tyre për t’u bërë heronj të vërtetë. Por kjo rrugë është e mbushur me armiq të ndryshëm, probleme dhe sigurisht situata gazmore.