JoJo’s Bizarre Adventure: Thus Spoke Kishibe Rohan do të vijë në Netflix

Më në fund fansat e JoJo’s Bizarre Adventure do të munden të shohin spin-off Thus Spoke Kishibe Rohan në Netflix

Seria speciale OVA e JoJo’s Bizarre Adventure spin-off, Thus Spoke Kishibe Rohan do të vijnë në Netflix. E ndarë në katër episode të ndryshme, ky spin-off ndjek ngjarjet e një prej personazheve më të preferuara të serisë së katërt të JoJo’s Bizarre Adventure e quajtur Diamond is Unbreakable.

Kishibe Rohan është një prej personazheve më të preferuara të fansave që prej shfaqjes së tij të parë në serinë e manga me të njëjtin emër. Kjo gjë ka sjellë si rezultat që ky spin-off të fitojë popullaritet të madh në Japoni dhe gjithashtu të marrë një adaptim live-action.

Por teksa akoma nuk është bërë një njoftim se kur këto episode do të marrin një lançim zyrtar në gjuhën angleze, ky njoftim që seria spin-off do të vijë në Netflix i ka emocionuar shumë fansat. Netflix postoi në Twitter që të katërta këto episode do të vijnë në Netflix gjatë vitit 2021. Akoma nuk ka një datë të saktë të lançimit të tyre.

Gjithmonë ka qënë e çuditshme mënyra se si Netflix i licenson filmat dhe serialet të cilat i shton në katalog. Një shembuj është anime Neon Genesis Evangelion ku Netflix arrin të licensojë të gjithë serinë por nuk arrin dot të licensojë ending theme e cila ka qënë tepër e pëlqyer nga fansat.

Kësaj here Netflix ka arritur të licensojë ketë spin-off por nuk ka arritur të licensojë dot serinë anime mëmë të këtij spin-off, Diamond is Unbreakable. Momentalisht fansat mund të ndjekin në Netflix tre pjesët e para të kësaj anime të cilat janë Phantom Blood, Battle Tendency dhe Stardust Crusaders.

Por gjithsesi, fansat e JoJo’s Bizarre Adventure janë mësuar me këto mënyra licensimi për manga dhe anime. Ata kanë pritur për një kohë të gjatë që OVA spin-off të lançohet zyrtarisht jashtë Japonisë dhe më në fund kjo gjë do të vijë vitin tjetër.