Për të gjithë ju fansa animesh, ja se si është proçesi i krijimit të tyre
Për të gjithë ju fansa animesh, ja se si është proçesi i krijimit të tyre
Gjëja e parë që bëhet dhe më e rëndësishmja është shkrimi i skenarit. Zakonisht skenari shkruhet nga një ose më shumë shkrimtarë në varësi të episodeve ose sezoneve.
Më pas bëhen skicat e skenave. Kjo zgjat zakonisht 3 javë për një episodë 25 minuta dhe përbën pjesën më kyçe të një anime : numri i skenave dhe gjatësia e tyre, lëvizjet e personazheve dhe dialogu.
Pas skicave vjen animacioni me hapin e parë i cili është krijimi i planeve(layouts). Planet janë të krijuara nga skicat e skenave ku shfaqet se si do të duket sfondi dhe lëvizjet e “kamerës”.
Planet jepen tek animatorët të cilët merren me imazhet kyçe. Ata krijojnë imazhet kyçe me një kualitet të lartë të cilat janë imazhet e para dhe të fundit të çdo sekonde. Këto imazhe kyçe mund të jenë lëvizja e pjesëve të trupit , ndryshimi i shprehjes së fytyrës ose përgatitja e personazheve për të goditur me grusht.
Një anime ka zakonisht 24 imazhe për sekondë. Duke patur thjesht dy imazhe për sekondë , këtu hyjnë animatorët të cilët merren me krijimin e imazheve midis imazheve kyçe. Kjo është një prej punëve më të rëndësishme të krijimit të një anime edhe pse kjo është një prej punëve më pak të paguara në industrinë e anime.
Pasi animatorët kanë mbaruar gjithçka mbetet është ngjyrosja. Në anime moderne përdoret elementët CG(Computer Graphics) për ta bërë animacionin sa më të mirë. Gjithçka që ka mbetur është bashkimi i skenave në një për të dhënë produktin final.
Si përfundim një episod normal anime mund të zgjas nga 1 muaj deri në 6 muaj dhe madje disa ngelen të papërfunduar. Një anime me 13 episode kushton rreth 250 milion yen ose 2 milion dollarë. Një episode i Naruto kushton mes 100,000 dollarë dhe 300,000 dollarë.