Një trailer i ri është lançuar së fundmi për Demon Slayer i cili na sjell më shumë informacione se çfarë do të sjellë Season 2 i serisë.
Në trailer mund të shohim një përmbledhje të ngjarjeve të mëparshme gjatë Season 1 të anime së Demon Slayer dhe filmit Mugen Train. Përpara përfundimit të trailer, tregohen disa detaje të reja rreth Season 2 të Demon Slayer.
Sipas informacioneve që kemi, Season 2 i Demon Slayer do të nis më 10 tetor dhe do të ketë një përmbledhje të Mugen Train Arc dhe një episod të parë të ri i cili tregon se si Flame Hashira hipi në tren. Kjo gjë do të përfshihet në 7 episode.
Për ata që janë të interesuar se kur fillon vërtet Season 2 i Demon Slayer, Entertainment District Arc do të nis më 5 dhjetor me një episod të gjatë prej afërsisht 1 ore. Entertainment District Arc do të sjellë aventurat e Tanjiro me miqtë e tij bashkë me Sound Hashira, Tengen Uzui për të investiguar disa mistere dhe pritet që shumë beteja dhe skena emocionuese të ndodhin gjatë këtij arc.