Çfarë është Genshin Impact, loja e cila ka fituar popullaritet dhe vëmendje kohët e fundit
Çfarë është Genshin Impact, loja e cila ka fituar popullaritet dhe vëmendje kohët e fundit
Mund të mos ta keni dëgjuar më përpara por Genshin Impact është lojë më popullore e momentit dhe akoma më mirë, është free-to-play. Gjatë këtij viti kjo lojë mund të ketë kapur pak vëmendje por që nuk ka zgjatur për shumë kohë duke u lënë në harresë. Por që prej ditës që është lançuar, numri I lojtarëve dhe interesi ndaj kësaj loje është rritur ndjeshëm.
Genshin Impact është një lojë free-to-play multiplayer action-RPG dhe që ka të përfshirë sistemin gacha nga kompania zhvilluese MiHoYo e cila njihet gjithashtu edhe për lojën Honkai Impact 3rd. Shumë lojtarë e kanë krahasuar lojën me Legend of Zelda: Breath of the Wild dhe ne të vërtetë është shumë e ngjashme me të.
Edhe pse mund të jetë në bazë të saj Breath of the Wild e cila ishte një nga lojërat më të mira të dekadës së kaluar, bashkimi me elementin anime i jep një ndryshim dhe ndjesi ndryshe. Kjo gjë e bën atë të vlerësohet nga fansat dhe çdo orë e shpenzuar me të t’ia vlejë. Momentalisht loja është e vlefshme për iOS, Android, PC dhe PlayStation 4.
Në momentet e para që do të luani do të ndiheni sikur po luani Legend of Zelda. Gjatë lojës do të keni një stamina bar që harxhohet sa herë që vraponi, ngjisni ndonjë mur ose ndërtesë ose kryeni lëvizjet tuaja speciale. Gjithashtu ka edhe shpirtra të cilët zbulojnë sekrete kur zgjidhni ndonjë puzzle dhe mini-dungeons ku mund të gjeni gjëra nga më të ndryshmet.
Edhe pse është gjuajtur versioni anime i Breath of the Wild, kjo nuk do të thotë që Genshin Impact është në çdo aspekt të saj Breath of the Wild. Një prej ndryshimeve është co-op. Pasi të arrini një pikë të caktuar ju do të keni mundësinë të luani me miqtë tuaj duke eksploruar botën, dungeons ose duke luftuar krijesa nga më të ndryshmet.
Gjithashtu diçka që na pëlqeu është se nivelet e karakterit dhe eksplorimit janë të ndara. Kjo tregon se loja iu lejon në fillim të përmirësoni dhe të bëni më të fortë karakterin tuaj dhe më pas të eksploroni rreth e rrotull. Achievements janë të organizuara mirë dhe sistemi i shpërblimeve dhe XP është i shkëlqyer duke iu dhënë gjithmonë një qëllim të cilin duhet ta arrini.
Ju do të keni një skuadër me katër karaktere të cilët mund të luhen dhe ndryshohen në çdo moment. Ju mund të zgjidhni midis disa karaktereve dhe nuk jeni të detyruar të mbani karakterin kryesor në skuadër duke iu lënë më shumë vend për kombinime të ndryshme. Gjatë një ndeshje ju mund të përdorni një prej aftësive të një prej karaktereve tuaja dhe mund të përdorni një karakter tjetër derisa aftësia e karakterit të parë të jetë përsëri gati për t’u përdorur.
Mundësia për të zgjedhur elementët dhe armët e karaktereve tuaja është ajo çfarë e bën të veçantë ketë lojë. Gjithashtu ju do të keni mundësi të kryeni kombinime nga më të ndryshme me karakteret tuaja. Ju mund të lagni me ujë kundërshtarin tuaj, ta ngrini duke përdorur një ice attack dhe më pas mund ta godisni me një vetëtimë duke i shkaktuar më shumë dëme.
Armët do t’iu japin një ndjesi tjetër. Ju do të keni mundësinë të zgjidhni nga një kategoritë e armëve që Genshin Impactiu ofron. Ju mund të kombinoni armët me aftësitë e tjera të karaktereve tuaja duke iu dhënë akoma më shumë mundësi për të eksperimentuar me karakteret tuaja. Gjatë betejave do të merrni passive bonuses të cilat ndikojnë tek ju në varësi të elementit që keni zgjedhur.
Duhet përmendur gjithashtu edhe sistemi gacha i cili është i përfshirë në lojë. Gacha është i ngjashëm me një lojë fati ku duke shpenzuar para ju do të keni mundësi të shtoni karaktere më të fuqishëm në skuadrën tuaj. Por që nuk do të jetë e nevojshme pasi Genshin Impact iu ofron plot karaktere falas të cilët mund t’i bëni më të fuqishëm me kalimin e kohës.
Diçka tjetër që duhet përmendur përsëri është se loja është falas. Edhe pse do t’iu duhet një kohë e gjatë për t’u shkarkuar pasi madhësia e Genshin Impact është 6-12 gigabyte në varësi të platformës. Loja është gjithashtu cross-play që është një arsye më shumë për ta luajtur. Gjithashtu për të gjithë ju që jeni në kërkim të “waifu” ideale, loja iu ofron disa waifu të cilave duhet t’iu hidhni një sy me patjetër.