Fullmetal Alchemist është një prej anime kryesore për fansat e anime-ve, dhe fatmirësisht, manga dhe anime e kësaj serie janë lehtësisht në dispozicion.
Franchise i Fullmetal Alchemist mund të përcaktohet si “shonen” në rastin më të mirë, duke pasur një cast të madh personazhesh, por të shkruar mirë, që përpiqen t’i përmbahen idealeve të tyre, ndërsa bota del jashtë kontrollit. Kjo është historia e alkimistit Edward Elric i cili është në kërkim të gurit filozofik së bashku me vëllain e tij, por ata shpejt përfshihen në një skemë shumë më të madhe të dominimit të botës.
Megjithëse manga origjinale ka përfunduar vite më parë, bota e Fullmetal Alchemist është një që ia vlen për t’u futur në çdo kohë dhe franchise vazhdon ende e fortë deri më sot. Në fakt, seria ka lançuar së fundmi vëllime të reja, me cilësi të lartë manga dhe sete DVD, një pikënisje e shkëlqyer për shikuesit dhe lexuesit e rinj.
Si të lexoni seritë Manga të Fullmetal Alchemist
Seria origjinale manga e Fullmetal Alchemist është e përfunduar, me 27 vëllime. Ju mund ta gjeni atë në dyqane të ndryshme online pasi fatkeqësisht në Shqipëri akoma nuk ka një shitës të mirëfilltë për manga. Gjithashtu ju mund të gjeni fare lehtë edhe versionin dixhital të kësaj manga.
Shikimi i anime-s Fullmetal Alchemist
Në të vërtetë ekzistojnë dy adaptime të ndryshme anime të serisë origjinale të manga-s së Hiromu Arakawa, dhe njëra prej tyre ndryshon dukshëm nga materiali burimor. Versioni i vitit 2003 i Fullmetal Alchemist devijoi nga burimi manga (i cili ishte në vazhdim në atë kohë) mjaft herët dhe hartoi komplotin e vet, të kompletuar me një përfundim dhe antagonist unik.
Pasi manga përfundoi, një adaptim i dytë anime filloi në vitin 2009, me titull Fullmetal Alchemist: Brotherhood. Kjo seri ndoqi më nga afër mangën origjinale Fullmetal Alchemist, duke përfshirë edhe përfundimin. Brotherhood shpesh konsiderohet si adaptimi më i mirë i Fullmetal Alchemist, megjithëse versioni i vitit 2003 ka adhuruesit e tij.
FMA: Brotherhood dhe versioni i vitit 2003 mund të gjehet në platformat Netflix dhe Crunchyroll. Kjo franchise ka edhe dy filma të animuar, Conquerer of Shamballa dhe Sacred Star of Milos, të cilat janë gjithashtu të disponueshme për transmetim në Crunchyroll.