Forma finale e Eren në Attack on Titan ka më në fund një emër

Spoilers për Attack on Titan më poshtë!!!

Sezoni i fundit i Attack on Titan(shpresojmë të jetë i fundit) pritet të vijë në fillim të vitit 2023 dhe tashmë autori i serisë i ka dhënë më në fund formës finale të Eren një emër.

Një postim i bërë në Twitter ka zbuluar se kur do të lancohen versionet DVD dhe Blu-ray të serisë por gjithashtu ka sjellë edhe një art të transformimit të fundit të Eren bashkë me një emër për këtë transformim.

Nga ky postim kemi kuptuar se forma më e fundit që Eren ka marrë quhet Final Titan. Për të gjithë ju që nuk e dini, kjo formë është si pasojë e Eren duke përdorur fuqitë e Founding Titan. Bashkë me këtë formë Eren tashmë ka nisur Rumbling me qëllimin për të shkatërruar pothuajse gjithë botën.

Fansat e anime janë goxha kurioz për të marrë vesh se çfarë do të ndodh dhe mezi po e presin Part 3 e sezonit final të Attack on Titan.