Sezoni i fundit i Attack on Titan është afër episodit të tij të fundit dhe një trailer i publikuar së fundmi po çmend fansat e anime. Nuk është akoma e qartë se si do të përfundojë kjo anime por dimë episodi 16 do të jetë i fundit i këtij sezoni dhe do të transmetohet më 28 mars.
Trailer-i për episodet e fundit përfshin shumë skena luftimi nga 12 episodet e para të anime. Pavarësisht se nuk tregon shumë rreth episodeve të reja, mund të shikoni skena të përgjakshme dhe tronditëse të cilat na lënë të dyshojnë se fundi i këtij sezoni do të jetë brutal.
Një gjë që fansat mund ta gjejnë pak të çuditshme, është se titulli i trailer-it thotë shumë specifikisht se kjo është finalja e këtij sezoni dhe jo finalja e serisë. Kjo të bën përshtypje sepse manga e Attack on Titan, e cila deri tani është përshtatur në anime, do të përfundojë më 9 prill dhe për momentin është shumë më përpara me historinë se anime-ja.
Ka disa mundësi se si ngjarjet e kësaj serie anime pas transmetimit të kësaj “finale”-je do të vazhdojnë. Një mundësi është që historia të përmblidhet me një fund krejtësisht të ndryshëm nga manga. Sidoqoftë, anime-ja ka ndjekur manga-n deri më tani dhe mendohet se është e pamundur që shfaqja thjesht të mbarojë këtu ose të krijojë një fund tërësisht tjetër.
Një mundësi tjetër është që Sezoni Final i AOT në fakt të ketë një pjesë të dytë, e cila mund të transmetohet më vonë këtë vit ose ndoshta edhe në 2022.
Një mendimin i fundit është që kapitujt final të manga-s të përfshihen në një ose dy filma me metrazh të gjatë, duke pasur parasysh suksesin e Demon Slayer, i cili adaptoi një arc të plotë nga manga në një film gati 2 orësh.
Ende nuk kemi një njoftim zyrtar se çfarë Attack on Titan ka rezervuar për fansat e saj. Tani për tani, fansat duhet të jenë të kënaqur me “finalen e sezonit” më 28 Mars dhe kapitullin e fundit të manga-s, i cili do të dalë më 9 prill.