Dragon Ball Super: Super Hero është një nga filmat më të shumëpritur të momentit nga seria e Dragon Ball i cili është planifikuar të vijë në kinema më 22 prill 2022. Por hack i fundit që studio Toei Animation pësoi ka bërë që ky film të vonohet goxha.
Ky njoftim vjen nga shërbimi i media NHK i cili ka sjellë një njoftim rreth statusit të Toei Animation dhe gjithashtu gjendjes së anime të ndryshme që kjo studio po prodhon. Dhe për të gjithë ju që nuk e dini, studio e Toei Animation u bë hack muajin e kaluar duke bërë që shumë anime nga kjo studio të ndalonin transmetimin përkohësisht.
Edhe pse shumë prej serive anime nga Toei Animation po nisim transmetimin përsëri, një prej anime më të shumëpritura nuk do të ketë të njëjtin fat. Sipas shumë informacioneve të ndryshme që po qarkullojnë nga burime të sigurta dhe pa asnjë njoftim nga studio, mund të themi që filmi anime i Dragon Ball Super: Super Hero mund të vonohet për një kohë të gjatë.
Por sipas parashikimit tonë dhe informacioneve të ndryshme që po qarkullojnë, mund të themi që lançimi i Dragon Ball Super: Super Hero do të shtyhet deri në verë të këtij viti. Por akoma asgjë nuk është e sigurt. Njoftime mbi filmin anime priten së shpejti.