Fansat zbulojnë censurimin që i është bërë anime së Attack on Titan

Pavarësisht lançimit të anime gjatë vitit 2013, fansat e Attack on Titan zbulojnë censurimin e skenave të ndryshme që versioni anime ka pësuar

Attack on Titan bëri debutimin e saj në anime gjatë vitit 2013 dhe menjëherë mori një popullaritet të madh kudo në botë. Së fundmi nëpërmjet një video në YouTube, fansat e anime së Attack on Titan po zbulojnë ndryshimin midis manga dhe anime dhe gjithashtu censurimin që versioni anime ka pësuar.

Attack on Titan lançoi në vitin 2013 sezonin e parë i cili ishte tepër i suksesshëm dhe vazhdoi deri në vitin 2019 me pjesën e dytë e sezonit të tretë. Të gjitha këto sezone u animuan nga Wit Studio e cila u vlerësuar goxha për punën e bërë në këtë fushë. Por pasi një video tregonte se si shumë skena brutale në manga ishin censuruar në anime, fansat filluan të ngrinin dikutimet e tyre.

Video që tregon këto ndryshime tashmë ka marrë afërsisht 2.4 milion shikime dhe demonstron me anë të krahasim censurimin që i është bërë. Video menjëherë u bë virale nga fansat e komunitetit të anime.

Në seksionin e komenteve fansat filluan të komentonin rreth video duke shprehur çudinë e tyre rreth këtyre censurimeve. Attack on Titan njihet për brutalitetin e madh që ofron dhe ky censurim mund të duket i pakuptimtë deri diku.

Shumë prej tyre kanë shprehur dëshirën për të hequr censurimin e bërë pasi kjo gjë i ul impakt e fuqishëm që seria të jep. Disa prej tyre rekomandojnë që të lexohet manga kurse disa të tjerë shpresojnë që sezoni i katërt i cili do të vijë më 7 dhjetor të mos ketë këtë lloj censurimi.

Pavarësisht gjithë këtyre komenteve, shumë persona vlerësuan punën e bërë nga Wit Studio në adaptimin e kryer të manga në anime. Gjithsesi fansat shpresojnë një eksperiencë maksimale nga sezoni i katërt i cili do të editohet nga studioja e animimit MAPPA.