Fairy Tail ka ardhur sot në të gjitha platformat

Aventura e Natsu, Lucy dhe Fairy Tail Guild ka ardhur në PC, PlayStation 4 dhe Nintendo Switch

Sot, Koei Tecmo dhe zhvilluesi Gust Studios publikuan lojën e tyre JRPG Fairy Tail për PC, PlayStation 4 dhe Nintendo Switch. Loja është e bazuar tek manga dhe anime me të njëjtin emër dhe është hera e parë që një lojë Fairy Tail lançohet në vendet perëndimore.

Në Fairy Tail, lojtarët do të kenë mundësi të futen brenda historisë nga Tenrou Island Arc në Tartaros Arc, ndërkohë që janë shtuar edhe elemente dhe quests që nuk kanë qënë më parë në anime ose manga. Bota e Fairy Tail është sjellë në lojë në mënyrë të detajuar, duke ruajtur të gjitha aspektet që e bëjnë animen tërheqëse.

Gjatë udhëtimit të tyre, lojtarët kanë mundësi të krijojnë grupin e tyre me 5 magjistarë, ndërkohë që mund të zgjedhin nga 16 personazhe të ndryshëm të animes: Natsu, Lucy, Gray, Erza, Wendy, Gajeel, Juvia, Rogue, Kagura, Sherria, Sting, Ichiya, Laxus, Mirajane, Jellal dhe Gildarts. Aftësitë magjike të secilit personazh janë sjellë në lojë, përfshirë këtu Unison Raids, ku personazhet mund të kombinohen së bashku për të përdorur magjitë e tyre njëherësh. Madje, edhe Extreme Magic Spells mund të përdoren brenda në lojë.

Jashtë luftimeve, Fairy Tail i lejon lojtarëve të krijojnë marrëdhënie me pjesëtarët e guild-it të tyre, të përjetojnë histori të reja dhe të përforcojnë aftësitë e tyre magjike. Lojtarët mund të përmirësojnë Fairy Tail guild dhe ta bëjnë atë guild-in numër 1 në Fiore.

Fairy Tail mund të blehet tani online ose fizikisht.