Një kapitull i ri ka ardhur për Dragon Ball Super pas përfundimit të arc të Granolah the Survivor i cili solli goxha gjëra të reja në serinë e Dragon Ball. Dhe ky kapitull na sjell në skenë një antagonist të vjetër të serisë përsëri.
Një draft i zbuluar para disa kohësh na tregoi paraprakisht disa momente nga mbyllja e arc më të fundit të Dragon Ball Super të quajtur Granolah the Survivor. Dhe në një prej këtyre paneleve mund të shikonim një prej karaktereve të vritej nga një lëvizje e njohur dhe që e kemi parë shpesh në seri.
Në kapitullin më të fundit të Dragon Ball Super, Frieza arrin të shfaqet në planetin Cereal për të prishur planet e Elec dhe Heeters. Dhe kjo nuk ishte e vetmja arsye pse Frieza kishte ardhur dhe mesa duket do të ketë lidhje me arc e ardhshëm.
Ai zbulon se ka qenë duke u stërvitur që prej momentit të fundit që e kemi parë në seri. Dhe e gjithë kjo stërvitje ka bërë që ai të shndërrohet në një prej luftëtarëve më të fortë në univers duke na treguar një formë të re.
Cila është forma më e re e Frieza?
Forma e re e Frieza quhet Black Frieza dhe mesa duket është një formë goxha e fuqishme e tij pasi në kapitullin 87 të manga së Dragon Ball Super mund ta shohim duke mundur lehtësisht Gas, Goku dhe Vegeta.
Ky mund të jetë një detaj goxha i madh për arc e ardhshëm të Dragon Ball dhe akoma kemi më shumë për të zbuluar. Por ajo që na la pa fjalë ishte fakti që arriti të mundte lehtësisht Goku dhe Vegeta.
Menjëherë pas kësaj, Frieza largohet i kënaqur me rezultatet. Akoma nuk e dimë se çfarë ai kërkonte afër planetit Cereal ose se çfarë pune kishte. Më shumë detaje priten të zbulohen së shpejti me arc e ri që do të nis. Gjithashtu seria manga e Dragon Ball Super do të jetë në një pushim të gjatë duke u përgatitur për arc e ardhshëm.