Netflix ka njoftuar se një seri anime e bazuar në universin e Dota do të vijë së shpejti në platformë.
“Jemi të emocionuar të njoftojmë një seri të re anime, që eksploron universin e Dota si kurrë më parë,” ka njoftuar zhvilluesi i lojës multiplayer, Valve, në Twitter. “Si fansa të Fota dhe të komunitetit të saj apasionant, mezi presim të ndajmë këtë aventurë të re me ju në Netflix në 25 mars.”
Bashkë me njoftimin erdhi edhe një trailer që na dha një pamje paraprake të serive, të cilin mund ta shikoni më poshtë. Në bashkëpunim me Valve, seriali do të quhet Dota: Dragon’s Blood. Duket se heroi i Dota 2, Davion, do të luajë një rol kyç në të.
Lajmi i mirë është që nuk do të duhet të presim shumë për të, pasi ajo do të vijë thuajse pas një muaji, në datë 25 mars. Detajet përtej asaj që shohim nga traileri janë të pakta, por një gjë është e sigurtë, pritja nuk do të jetë e gjatë.