Publikohen detaje të reja rreth Attack on Titan

Më në fund pas një pritje të madhe anime e Attack on Titan do të vijë së shpejti

Sezoni i fundit i Attack on Titan i ka lënë fansat në pritje për një kohë të gjatë por pritjes i ka ardhur fundi. Më në fund kemi një datë se kur sezoni i fundit i kësaj anime do të vij për të gjithë fansat të cilët mezi po e presin. Deri para pak ditësh, dinim thjesht që sezoni i fundit i Attack on Titan do të vinte gjatë fundvitit të 2020. Në një postim në Twitter është bërë e ditur që episodi i parë i sezonit të ri do të vijë më datë 7 dhjetor.

Kjo datë është për transmetimin e anime për publikun japonez. Fansat e Attack on Titan të cilët jetojnë jashtë Japonisë mund t’iu duhet të presin derisa episodet e reja të dalin të titruara në platforma si Crunchyroll. Sezonin e kaluar episodet e reja u transmetuan me vonesë në këto platforma duke sjellë një acarim të madh të fansave të cilët mezi po i prisnin episodet e reja.

Në postim në Twitter mund të shohim posterin e ri të anime ku mund të shohim një pjesë të Survey Corps të cilët kanë ndryshuar shumë nga sezoni i kaluar. Disa nga ata që mund të dallojmë janë Levi, Mikasa dhe Armin dhe për çudi Eren nuk është pjesë e këtij posteri.  Gjithashtu traileri i ri na jep disa detaje se çfarë mund të ndodh gjatë këtij sezoni i cili do të jetë i fundit.