Demon Slayer vjen me një trailer të ri

Trailer-i i ri i Demon Slayer po mban fansat e saj shumë ‘hyped’

Demon Slayer surprizon fansat me një trailer të ri për filmin e shumëpritur që do të adaptoj Mugen Train arc. E bërë publike në fund të serisë anime, filmi do të vazhdoj menjëherë aty ku u mbyll anime me një prej arcs më intensivë të animuar ndonjëherë.

Trailer-i i ri na jep menjëherë një goditje emocionale pasi mund të shohim në fillim të trailer-it që Tanjiro bashkohet me disa prej anëtarëve të familjes së tij të cilët kanë vdekur por është kjo e vërtetë apo thjesht një ëndërr?! Gjithashtu në trailer janë përfshirë edhe disa skena aksioni nga Zenitsu dhe Inosuke dhe gjithashtu nga Hashira i preferuar i fansave, Kyojuro Rengoku.

Filmi është planifikuar për t’u lançuar në Japoni gjatë tetorit të këtij viti dhe në SHBA dhe Kanada gjatë vitit 2021. Gjithashtu ky trailer na jep mundësinë të shohim për herë të parë kundërshtarin e tyre të ri i cili është Enmu, një prej demonëve më të fuqishëm dhe gjithashtu demoni i cili pretendon se zotëron Mugen Train.

Nëse keni qënë një fans i madh i këngës hapëse të serisë anime të Demon Slayer, “Gurenge” nga LiSA, atëherë duhet të gëzoheni pasi ajo po rikthehet përsëri për theme e këtij filmi me këngën “Homura”.