Aplikacioni i streaming të anime, Crunchyroll është lançuar zyrtarisht në Nintendo Switch. Aplikacionet e transmetimit në konsolin e Nintendo kanë qenë relativisht të kufizuara në përgjithësi, e lëre më ato me fokus në anime, kështu që ky duhet të jetë një lajm i mirë për shumë njerëz. Është interesante që Crunchyroll në Nintendo Switch në fakt mundësohet nga Unreal Engine i Epic Games dhe i lejon njerëzit të shikojnë anime në lëvizje.
Megjithëse nuk është aplikacioni i parë i transmetimit të anime në Nintendo Switch – ky nder i takon Funimation – shtimi i Crunchyroll në konsolin vjen me disa shanse vërtet të reja për përdoruesit. Sipas njoftimit zyrtar, aplikacioni i Crunchyroll në Nintendo Switch do t’i lejojë shikuesit të kenë akses në shikimin e animeve offline, duke supozuar se kanë abonimin e duhur. Kjo shënon herën e parë që një aplikacion transmetimi në Nintendo Switch ka ofruar transmetim offline.