Cowboy Bebop është një ndër anime më të vlerësuara e cila sjell aventurat e Spike Spiegel dhe miqve të tij në hapësirë. Para pak kohësh Netflix zbuloi se një adaptim live action i anime do të vinte në platformën e saj dhe tashmë disa të detaje të reja janë zbuluar.
Seriali live-action i bazuar në anime e famshme me të njëjtin emër, ka treguar së fundmi disa imazhe ku tregon skena të ndryshme bashkë me aktorët pjesëmarrës të cilët janë John Cho, Mustafa Shakir dhe Daniella Pineda.
Përshkrimi zyrtar i Netflix mbi Cowboy Bebop është:
Cowboy Bebop është një serial i mbushur me aksion në hapësire rreth tre gjuetarësh thesaresh të njohur ndryshe si “cowboys” të cilët po përpiqen t’i shpëtojnë të kaluarës. Pavarësisht ndryshimeve të mëdha që kanë midis njëri tjetrit, Spike Spiegel(John Cho), Faye Valentine (Daniella Pineda) dhe Jet Black(Mustafa Shakir) janë gati që të udhëtojnë hapësirën për të kapur kriminelët më të rrezikshëm të sistemit diellor – për çmimin e duhur.
Cowboy Bebop është planifikuar për t’u transmetuar më 19 nëntor të këtij viti. Më poshtë do të gjeni disa nga imazhet që janë shfaqur rreth adaptimit live-action të Cowboy Bebop.