Çfarë po bën gabim Super Dragon Ball Heroes?

Këto janë gabimet që Super Dragon Ball Heroes po kryen

Super Dragon Ball Heroes iu ka dhënë fansave të serisë së krijuar nga Akira Toriyama shumë aventura dhe përballje për Goku, Vegeta, Trunks dhe shumë të tjerëve teksa seria kryesore anime është duke u përgatitur për seritë e reja. Por ky spin-off ka patur problemet e veta në shumë aspekte të ndryshme.

Historia që po zhvillohet tani në serinë spin-off është tepër tërheqëse por fatkeqësisht nuk është duke u trajtuar në mënyrën e duhur nga krijuesit e kësaj serie.

Një ndër problemet e para që mund të vini re janë episodet shkurtra të cilat zgjasin nga tetë deri në dhjetë minuta. Edhe pse shumë anime të ndryshme kanë treguar se mund të tregosh një histori të tërë në një kohë të shkurtër, Dragon Ball mesa duket nuk arrin ta kryejë këtë gjë siç duhet.

Dragon Ball Super është një histori e cila arrin të përfshijë në të shumë histori dhe detaje dhe adaptimi i gjithë kësaj gjëje në vetëm një episod tetë deri në dhjetë minuta i ul shumë potencialin këtij serial anime.

Një problem tjetër që lind nga kjo gjë është edhe mënyra si zhvillohen ngjarjet. Gjatësia e shkurtër e episodeve bën që ngjarjet të ecin shumë shpejtë dhe gjithashtu të humbasë goxha informacione dhe detaje.

Personazhet të cilët ne i quajmë “të këqinj” janë thjesht të këqinj dhe nuk është se shkojnë më shumë se aq. Fuu ishte një prej personazheve më interesantë të serisë duke u ndjekur nga goxha ndjekës të serisë. Pas zbulimit të më shumë informacioneve rreth Fuu, fansat filluan të humbnin interesin e tyre ndaj kësaj serie. Krijimi i një historie më interesante për të këqinjtë është e nevojshme.

Gjithashtu Dragon Ball Heroes ka sjellë përballje të ndryshme të cilat fansat i kishin pritur për një kohë të gjatë. Por këto përballje zhvilloheshin në një cikël kohor prej 1 minuti në vend që të e gjithë ajo përballje të fokusohej në një ose dy episode të plotë. Ky problem bën që fansat të dalin të zhgënjyer shumicën e rasteve nga përballjet e ndryshme që ndodhin.