Attack on Titan Final Season Part 2 do të vijë tepër “vonë”

Sezoni i fundit i Attack on Titan po merr një pjesë të dytë e cila pritet të lëshohet në 2022. Anime-ja e suksesshme e cila po thyen rekord shikueshmërie , aktualisht është on-air ndërkombëtarisht në platforma të ndryshme si Crunchyroll dhe Funimation. Lajmi më i fundit në lidhje me këtë anime nuk është pëlqyer shumë nga fansat. Ashtu si dhe emri, ky është sezoni i fundit i Attack on Titan, por ky sezon po zgjatet.

Siç e dinë tashmë dhe lexuesit e mangas , në të cilën bazohet anime , ka akoma më shumë histori për të mbuluar se ç’do të mbulonin episodet e mbetura të sezonit 4. Duke patur këtë në mëndje , shumë fansa e kishin dyshuar që sezoni i fundit i Attack on Titan do të mbyllej në ndonjë mënyrë tjetër, si p.sh ndonjë film për të përmbledhur përfundimisht historinë ose diçka e tillë. Megjithatë, studioja përgjegjëse për sezoni e fundit të Attack on Titan , MAPPA , ka njoftuar për një pjesë të dytë të sezonit të fundit.

Episodi 16 i sezonit 4 sapo ka bere premieren e tij në Japoni dhe megjithëse mendohej të ishte episodi i fundit , ai kishte një teaser në fund për episodin 17 , i cili do të dalë në dimër. Pjesa e dytë e sezonit 4 pritet të dalë “këtë dimër” , frazë nga e cila mund të kuptojmë që pjesa e dytë mund të dalë në fillim të 2022.

Pas episodit të fundit të këtij sezoni , anime-ja ka akoma 23 chapter të tjerë nga manga për të adaptuar në seri. Pjesa e parë e sezonit të fundit adaptoi 26 chapter në 16 episode , pra me numrin e mbetur të chapter-ëve na mbetet të mendojmë për një numër serish të mbetura po aq sa në gjysmën e parë pra 16 episode.

Me kaq shumë histori të mbetur për të zbuluar , vendimi për të bërë një pjesë të dytë të sezonit ishte shumë herë më i mirë se një film. Në këtë mënyrë Attack on Titan mund të marrë të gjithë kohën që i nevojitet.