Attack on Titan Final Season do të sjellë Part 3 vitin tjetër

Attack on Titan Final Season Part 2 përfundoi këtë fundjavë duke sjellë episodin e 12 por duke mos i dhënë fund historisë. Dhe tashmë Attack on Titan ka njoftuar se anime do të sjellë një Part 3 vitin tjetër.

Historia origjinale e Attack on Titan në manga u zhvillua në 139 kapituj e cila përfundoi në prill të 2021. Deri më tani anime ka arritur të adaptojë 130 kapituj nga manga duke lënë pa adaptuar 9 kapituj e fundit.

Por fundi i Attack on Titan në manga nuk u prit mirë nga fansat dhe kjo na bën të dyshojmë se studio e animacionit, MAPPA, e ka shtyrë fundin e serisë për të sjellë një fund ndryshe. Kjo do të shpjegonte vonesën e madhe që seria ka patur.

Akoma nuk kemi një informacion fiks se kur do të vijë anime ose se sa episode do të ketë por nga aq sa dimë, Attack on Titan Final Season Part 3 do të vijë gjatë vitit të ardhshëm.