Artisti i Solo Leveling ka ndërruar jetë

Solo Leveling është një nga manwha më popullore të momentit dhe një anime për të u njoftua se do të vijë së shpejti. Por një lajm i keq vjen duke njoftuar se artisti i serisë manwha të Solo Leveling ka ndërruar jetë.

Ky raport vjen nga Koreja e Jugut që ka konfirmuar se artisti Seong-rak Jang, ose siç njihej ndryshe si Dubu, ka ndërruar jetë në moshën 40 vjeçare. Artisti njihej për krijimin e manwha së Solo Leveling, një prej manwha më të famshme dhe popullore.

Sipas një njoftimi nga Redice Studio, Jang ka ndërruar jetë për shkak të problemeve të tij shëndetësore të cilat janë akoma të paditura dhe që rezultuan në hemorragji cerebrale. Asnjë detaj tjetër nuk është ndarë përveç faktit që një funeral privat është mbajtur për të.

Për ata që nuk e dini, Seong-rak Jang ose siç njihej ndryshe si Dubu, ishte mbikëqyrësi i artit për Solo Leveling që prej debutimit të serisë si manwha në mars të vitit 2018. Seria e shkruajtur nga Chugong është një prej webtoons më popullor në botë. Me një video lojë në zhvillim, Solo Leveling do të ketë gjithashtu edhe një anime që është duke u zhvilluar nga A-1 Pictures bazuar në punën e Chugong dhe Dubu.

Për çfarë flet historia e Solo Leveling

Solo Leveling tregon historinë e Jinwoo Sung në një botë ku njerëzit fitojnë aftësi speciale dhe i përdorin për të luftuar kundër përbindëshave të ndryshëm. Edhe pse është Hunter më i dobët i gjithë njerëzimit, i detyruar nga detyrimet financiare për të paguar spitalin e mamasë së tij dhe shkollën e motrës së tij, ai s’ka zgjidhje tjetër përveç se t’i hyjë kësaj pune.

Por rastësisht gjatë një ekspedite ai vendoset në një rrezik goxha të madh dhe tashmë ai duhet të gjej një rrugë për të mbijetuar dhe njëkohësisht të shpëtojë miqtë e tij.

Ju mund ta lexoni Solo Leveling në Tapas, Pocket Comic dhe më shumë.