Seria e animuar e Ark do të sjellë shumë personazhe të famshëm
Seria e animuar e Ark do të sjellë shumë personazhe të famshëm
Së fundmi loja multiplayer survival ka sjellë një trailer të shkurtër rreth një serie të animuar të quajtur Ark: The Animated Series e bazuar në lojën Ark. Por fatkeqësisht këtij lajmi nuk iu dha shumë vëmendje pas njoftimit të lançimit të Ark 2 që do të përfshinte Vin Diesel si personazh të saj.
Ark: The Animated Series do të tregojë vështirësitë që njerëzve nga kohë të ndryshme do të kalojnë për të mbijetuar në një vend plot me dinozaurë. Seria do të përfshijë Gerard Butler si një gjeneral nga Roma e lashtë, Michelle Yeoh si një lider rebel nga Kina e shekullit të tretë, David Tennant si një shkencëtar britanik i shekullit të 19-të.
Gjithashtu seria e animuar do të përfshijë Russell Croëe si një “dino-whisperer” nga një kohë shumë e lashtë, Madeleine Madden si një paleontologjiste australiane (studion fosilet e krijesave që kanë jetuar gjatë kohëve të ndryshme) dhe sigurisht Vin Diesel i cili është producent ekzekutiv në seritë e animuara dhe lojën Ark 2.
Seria e animuar Ark: The Animated Series do të ketë 14 episode nga 30 minuta dhe do të jetë e ndarë në dy seri. Momentalisht seria është duke u prodhuar dhe synon të lançohet gjatë vitit 2022.