Yasuke është një seri e ardhshme anime e Netflix Original bazuar në figurën legjendare me të njëjtin emër, i cili njihet si Samurai i vetëm me ngjyrë në historinë japoneze.
Netflix ka lëshuar informacione të reja si dhe imazhe, të cilat tregojnë historinë e samurajit të parë me ngjyrë, një figurë e vërtetë historike nga Japonia feudale. Krijuesi LeSean Thomas dhe studioja japoneze e animacionit MAPPA po punojnë së bashku për të treguar historinë e një burri afrikan që u ngjit në grada dhe u bë një nga ronin më të mëdhenj në Japoni.
Pa hyrë në detaje të mëtejshme, nuk duhet të harrojmë të përmendim se krijuesi, regjisori dhe producenti ekzekutiv i serisë, LeSean, ka punuar në shumë projekte të animuara të njohura, si:
- Batman: The Brave and the Bold
- Black Dynamite
- Boondocks
- The Legend of Korra
- Spider-Man
Gjithashtu vlen të përmenden anime-t më të njohura të studios MAPPA, si: Kakegurui, Attack on Titan: The Final Season dhe Jujutsu Kaisen.
Kur është data e lëshimit të sezonin të parë të Yasuke në Netflix?
Sezoni i parë vjen në Netflix të Enjten, më 29 Prill, 2021.
Kjo u konfirmua nga Netflix në Twitter, së bashku me grupin e parë të imazheve nga seria anime.
Sa është numri i episodeve?
Yasuke do të shfaqë një total prej 6 episodesh. Çdo episod do të ketë një kohëzgjatje të përafërt prej 30 minutash.
Për çfarë flet Yasuke?
Përmbledhja zyrtare siguruar nga Netflix është si më poshtë:
“Në një Japoni feudale të shkatërruar nga lufta e mbushur me armë dhe magji, ronin më i madh që nuk u njoh kurrë, Yasuke, lufton për të ruajtur një ekzistencë paqësore pas një jete të kaluar të mbushur vetëm me dhunë. Por kur një fshat lokal bëhet qendra e trazirave shoqërore midis daimyo-ve, Yasuke duhet të marrë shpatën e tij dhe të transportojë një fëmijë misterioz, që është shënjestra e forcave të errëta dhe komandantëve të etur për gjak.”
Yasuke është një projekt i ri emocionues për adhuruesit e anime, veçanërisht pasi heronjtë me ngjyrë nuk përfaqësohen shumë në to. Pas protestave Black Lives Matter të vitit të kaluar, shumë filma dhe shfaqje televizive kanë bërë përpjekje për të përfshirë më shumë përfaqësim të personazheve me ngjyrë. Yasuke duket se do të jetë një burim përfaqësimi pozitiv dhe një seri emocionuese anime që adhuruesit e aksionit do e shijojnë.
Më poshtë ju kemi siguruar një video mbi historinë e vërtetë të këtij Samurai legjendar: