Ndonjëherë kur doni të shikoni ndonjë anime, përballeni me zgjedhje të shumta si trendet e momentit ose anime. Por ka goxha anime underrated të cilat duhet t’i shikoni dhe ne po iu sjellim një listë me disa prej anime underrated që duhet t’i shikoni.
Super Crooks
Super Crooks është një graphic novel nga Mark Millar i cili sjell historinë e disa njerëzve me superfuqi të cilët i përdorin ato për keq. Fatmirësisht ata nuk i përdorin për të shkaktuar probleme ose të shkatërrojnë botën por i përdorin ato për të kryer grabitje të ndryshme.
Tashmë ata kanë një grabitje të fundit dhe mund të tërhiqen por ata duhet të grabisin një person të rrezikshëm dhe këtu nis aventura e tyre.
B: The Beginning
Në ishujt e Cremona, një person me fuqi të mbinatyrshme është duke kapur kriminelë dhe ekzekutuar ata duke lënë shenjën e tij, “Killer B”. Pa asnjë provë ose informacion në dorë, RIS(Royal Investigation Service) kërkon ndihmën e Keith Flick, një detektivi ekspert por me goxha probleme pas largimit të tij nga ky departament për shkak të një humbje.
Teksa krimet në ishin e Cremona shtohen, Keith bashkë me ndihmësen e tij, Lily Hoshina, do të marrin ndihmë nga Killer B teksa zbulojnë komplote goxha të thella lidhur me eksperimente njerëzore, terrorizëm dhe më shumë. Tashmë ata duhet të vendosin se kujt duhet t’i besojmë dhe kujt jo.
Prison School
E vendosur në skajet e Tokios, Hachimitsu Private Academy është një shkollë prestigjioze për vajza. Por e gjitha kjo ndryshon kur një ndryshim në këtë akademi lejon që edhe djemtë të jenë pjesë. Në fillim të semestrit të parë, vetëm pesë djemë janë pranuar duke i vendosur në një raport 200 vajza për 1 djalë.
Kiyoshi, Gakuto, Shingo, Andre dhe Jo tashmë nuk kanë asnjë shans që të komunikojnë me studentet e tjera. Por kjo gjë i bën këta studentë që të ndjekin një detyrë goxha të rrezikshme, të spiunojnë në banjot e gocave.
Por teksa plani i tyre zbulohet nga Student Council, atyre “iu hiqet liria” dhe hidhen në burgun e shkollës ku janë të dënuar me një muaj. Këtu nis jeta e vështirë e tyre ku ata duhet të testojnë miqësinë e tyre mbushur plot me situata gazmore.
Horimiya
E vlerësuar në shkollë për aftësitë e saj që ajo ka si nga mësuesit dhe nga miqtë e saj, studentja Kyouko Hori ka fshehur nga të tjerët një anë të saj. Me prindërit e saj të cilët janë shpesh të angazhuar në punë, Hori është e detyruar të kujdeset për vëllain e saj dhe për punët e shtëpisë.
Kurse Izumi Miyamura duket në shkollë si otaku i mërzitshëm por në fakt jashtë shkolle ai është një person tepër i dashur dhe pas flokëve të tij të gjata fshihen piercing dhe tatto të ndryshme.
Edhe pse mund të ngjajnë si dy persona krejt të kundërt, ata arrijnë të krijojnë një miqësi me njëri tjetrin duke treguar më shumë rreth anës së tyre të fshehtë..
Redline
I vendosur në një të ardhme të afërt, garat me makina janë zhvilluar goxha duke u bërë galaktike dhe duke mos njohur limite. Garuesi kokëkrisur JP i cili është i fiksuar pas këtyre garave, i jepet mundësia që të marrë pjesë në garën më të madhe të quajtur Redline.
Por ndryshe nga garat e tjera, Redline nuk njeh asnjë limit ose kufizim me të vetmin rregull i cili është fitorja. Ndiqni aventurat plot adrenalinë të JP dhe garuesve të tjerë të cilët përpiqen të arrijnë vendin e parë. Me një stil arti magjepsës dhe kolonë zanore fantastike, Redline është një film i cili nuk duhet humbur.