Anime të rekomanduara nga GameON Albania

Nëse nuk dini çfarë anime të filloni, ne po ju sjellim disa rekomandime

Një pjesë e madhe e fansave të anime i dashuron anime kurse një pjesë tjetër dëshiron të hyj në botën e anime por nuk di nga t’ia nis. Prandaj kemi vendosur t’iu sjellim disa anime të cilat mund t’i ndjekin si fansat e vjetër të anime, po ashtu edhe ata që kanë dëshirë të nisin anime.

Fullmetal Alchemist: Brotherhood

Kjo anime flet për vëllezerit Elric të cilët pas një eksperimenti në fushën e alkimisë humbin një pjese të trupit të tyre, Edward humbi këmbën e majtë kurse Alphonse trupin e tij. Për të shpëtuar vëllain e tij, Edward detyrohet të sakrifikoj krahun e tij të djathtë duke e vendosur shpirtin e tij transferon shpirtin e tij në një armaturë metalike. Të dëshpëruar, ata vendosin të marrin mbrapsht trupat e tyre dhe kjo gjë e shtyn Edward të marrë gjymtyrë prej metali dhe të behët një alkimist shteti. Pas disa vitesh kërkimesh ata zbulojnë vendodhjen e Gurit Filozofik i cili mund ti ndihmoj ata të marrin mbrapsht por ata zbulojnë se janë përfshirë në një komplot ndërkombëtar ku ata jo vetëm zbulojnë natyrën e vërtetë të Gurit Filozofik por edhe historinë e errët të vendit të tyre. Fullmetal Alchemist: Brotherhood është e rekomanduar për ata që pëlqejnë fantazitë dhe aventurat. Kjo anime ka 64 episode dhe është një prej anime më të vlerësuara,

Another

Për të gjithë ata që kanë qejf zhanrin horror, Another do të ishte anime perfekte për ketë zhanër. Ndërthurja e saj ndërmjet horror, misterit dhe të mbinatyrshmen është ajo çfarë e bën ketë anime të veçantë. Historia flet për Kouichi Sakaibara i cili transferohet në klasën 3-3 në Yomiyama North dhe e gjen veten në një situatë të çuditshme ku një vajzë me fasho në syrin e majtë e quajtur Mei Misaki trajtohet sikur nuk ekziston si nga studentët po ashtu edhe nga mësuesit. Duke mos iu kushtuar vëmendje paralajmërimeve të ndryshme përfshirë këtu edhe Mei e cila përpiqet ta largoj atë herë pas here, ai vendos ti afrohet asaj dhe në të njëjtën kohë ai i afrohet edhe të vërtetës mbrapa këtij fenomeni , ngjarjeve tragjike dhe enigmave të pafundme. Another ka 12 episode të cilat do t’iu shtyjnë ta ndiqni atë akoma edhe më shumë.

Seria Fate/

Seria e anime Fate/ flet për 7 njerëz të ndryshëm të cilët kanë si qëllim të shtien në dorë “Holy Grail”, një objekt i cili mund t’i plotësoj cdo lloj dëshirë. Për të arritur qëllimin e tyre ata janë të detyruar të thërras një luftëtar nga e shkuara. Seria Fate/ është një prej animeve më konfuzuese për ata që duan ta nisin ta shikojnë  pasi ka shumë kohëra alternative duke i ngatërruar shikuesit. Personalisht nëse keni dëshirë ti ndiqni ngjarjet sipas mënyrës kronologjike do t’iu rekomandoja të nisnit me Fate/Zero e cila flet për Kiritsugu Emiya i cili është i punësuar nga familja Einzberns dhe bashkë me Saber, një hero nga e shkuara, ata do të përpiqen të shtien në dorë “Holy Grail”. Fate/Zero ka 2 sezone me nga 12 episode secila. Pas Fate/Zero do t’iu rekomandoja të ndiqnit Fate/Stay Night: Unlimited Blade Works e cila zhvillohet 10 vite pas Fate/Zero.

Noragami

Noragami flet për Yato i cili është një zot i vogël i cili ëndërron që në të ardhmen të ketë me mijëra punonjës dhe e quan veten “ Delivery God’. Por pa asnjë vend të shenjtë të dedikuar për të, qëllimet e tij janë shumë larg realizimit prandaj ai kryen punë të ndryshme për vetëm 5 yen derisa partnerja e tij largohet pret tij. Por fati i tij ndryshon kur një vajzë me emrin Hiyori Iki hyn në jetën e tij duke i shpëtuar jetën por duke bërë që shpirti i saj të largohet shpesh herë në trupi i saj. Hiyori punëson Yato për ta ndihmuar atë që të kthehet në normalitet dhe së bashku ata fillojnë të kërkojnë një partner të ri për Yato dhe me ndihmën e Hiyori, fati i tij mund të ndryshoj. Noragami ka 2 sezone me nga 12 episode secila.

Assassination Classroom

Historia e kësaj anime flet për nxënësit e klasës 3-E të Kunugigaoka Middle School të cilët papritur e gjejnë veten me një detyrë të jashtëzakonshme: të vrasin mësuesin e tyre që është një krijesë e cila kërcënon se do të shkatërroj Tokën. Por kjo krijesë e quajtur Koro-sensei është e aftë të lëvizë me shpejtësi të lartë duke bërë që çdo tentativë të shkoj keq. Ajo çfarë nxënësit e kësaj klase e gjejnë të çuditshme është se ai është mësuesi më i mirë që ata kanë patur deri më tani. Assassination Classroom ka 2 sezone ku sezoni i parë ka 22 episode kurse i dytë ka 25 episode.

Hotarubi no Mori e

 Historia e Hotarubi no Mori e flet për gjashtë vjeçaren Hotaru Takegawa e cila kurioze nga historitë për zotin e malit, humb rrugën në pyllin e vjetër teksa vizitonte të afërmit e saj. E lodhur dhe e dëshpëruar për ndihmë, Hotaru gëzohet kur ajo takohet me një shpirt të maskuar të quajtur Gin. Ajo mëson se nuk duhet ta prek atë ose përndryshe ai do të të zhduket. Gin e ndihmon atë të dal nga pylli dhe e paralajmëron të mos kthehet më në pyll por ajo i premton se do kthehet përsëri me një dhuratë. Hotaru dhe Gin fillojnë të bëhen miq të ngushtë pasi ajo fillon ta vizitoj atë çdo verë. Por marrëdhënia e tyre do të ndryshoj kur ndjenjat bien ndesh me rregullim e vetëm që ata kane ndërmjet tyre. Hotarubi no Mori e zgjat 45 minuta dhe është anime e duhur për ata që kanë pëlqejnë zhanrin dramë dhe romancë.

Kaguya-sama: Love is War

 Kjo anime është një ndër të preferuarat e mia pasi çdo episodë i saj ka skena nga më komiket. Kaguya-sama: Love is War flet për historinë e Miyuki Shirogane dhe Kaguya Shinomiya të cilët janë pjesë e senatit të shkollës. Si një ndër studentët më të mirë dhe respektuar nga të gjithë, ai është zgjedhur si presidenti i shkollës kurse nënkryetarja Kaguya e cila vjen nga një familje e famshme dhe shkëlqen në cdo fushë të mundshme. Pavarësisht se të dy kanë ndjenja për njëri tjetrin, asnjë prej tyre nuk e pranon. I pari që e pranon do të jetë humbësi. Me nderin dhe krenarinë e tyre, të dy do të përdorin mënyra nga më të ndryshmet për të marrë fitoren në ketë luftë. Kaguya-sama: Love is War ka 2 sezone me nga 12 episode secila.