Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Shenmue do të vijë tek Adult Swim në SHBA dhe në Crunchyroll për shtetet e tjera
Crunchyroll dhe Adult Swim kanë njoftuar se ata po punojnë në një anime të bazuar tek seria e lojërave Shenmue. Anime do të ketë 13 episode në Adult Swim për transmetim në SHBA dhe në Crunchyroll për transmetim në pjesën tjetër të botës përveç Japonisë dhe Kinës. Yu Suzuki i cili është krijuesi i serisë së lojërave, do të jetë producent ekzekutiv bashkë me Sakurai Chikara si drejtues. Chikara është i njohur për punën e tij si drejtor animacioni tek Naruto dhe për drejtimin e sezonit të dytë të One Punch Man.
“Loja e parë Shenmue është lançuar rreth 20 vite më përpara dhe ne jemi të emocionuar për ketë bashkëpunim me Adult Swim për të sjellë ketë projekt në një anime” është shprehur Sarah Victor, kreu i zhvillimit të Crunchyroll. “Mezi po presim që t’iu sjellim fansave ketë anime të mbushur me aksion dhe aventura.”
Historia ndjek Ryo Hazuki i cili është në një mision për të kapur fajtorët pas vrasjes së babait të tij. Për të plotësuar misionin e tij ai udhëton nëpër shumë vende, nga Japonia në Hong Kong dhe vende të tjera. Sipas të dhënave që kemi, historia e anime është tepër e ngjashme me atë të serisë së lojës. Shumë fansa shpresojnë se përveç hakmarrjes dhe dramës të përfshihen edhe elemente slice of life nga seria e lojës.
