Sezoni i vjeshtës sapo ka hyrë dhe shumë anime të reja do të nisin së shpejti. Por lind pyetja se cilat prej tyre duhet të ndiqni. GameON ka bërë një listë me anime më interesante që mendojmë se duhet të ndiqni gjatë kësaj vjeshte.
Mushoku Tensei Season 2
Mushoku Tensei tregon historinë e një njeriu i cili nuk kishte realizuar shumë në jetën e tij dhe papritur vritet nga një kamion me shpejtësi të lartë. Pas vdekjes së tij, ai zgjohet në një botë tjetër si një bebe me emrin Rudeus Greyrat ku mban mend çdo gjë nga jeta e tij e kaluar dhe ka fuqi magjike. Tashmë pas një jete tërë pendesa, Rudeus është i vendosur ta jetojë jetën e tij në maksimum.
Sezoni i dytë do të vazhdojë ngjarjet e sezonit të parë dhe transmetimi nis më 4 tetor.
Platinum End
Pas vdekjes së prindërve të tij, Mirai Kakehashi lihet në kujdesin e të afërmve të tij të cilët e keqtrajtojnë atë. Që prej asaj kohe, ai bëhet i mbyllur në vetvete dhe depresiv duke tentuar të vrasë veten gjatë ditës së diplomimit. Gjithsesi, Mirai shpëtohet nga një vajzë e quajtur Nasse e cila e prezanton veten si një engjëll mbrojtës që dëshiron t’i falë atij lumturi duke i dhënë fuqi të mbinatyrshme dhe shansit për t’u bërë “Zot” duke u përfshirë në betejën midis 12 kandidatëve të tjerë.
Platinum End vjen nga krijuesi i Death Note, Tsugumi Ohba dhe transmetimi pritet të nis më 8 tetor.
Blue Period
Studenti Yatora Yaguchi është i mërzitur me përditshmërinë e tij. Ai studion mirë dhe luan shpesh me miqtë e tij por në të vërtetë ai nuk shijon asnjë prej këtyre aktiviteteve. Një ditë ai befasohet nga një vizatim nga një prej anëtarëve të klubit të Arteve duke e bërë atë të interesohet në art. Por këtu nisin pengesat për Yatora: prindërit të cilët nuk e pëlqejnë këtë zgjedhje, moshatarët e tij me më shumë eksperiencë dhe studimi i një lënde krejt të re për të.
Transmetimi i Blue Period ka nisur më 25 shtator dhe episodi i parë është transmetuar.
86 Season 2
Në një të ardhme të largët, Empire of Giad shpall luftë kundër shteteve fshqinje duke lëshuar drone të quajtur Legion. Të kërcënuar nga ky rrezik, Republic of San Magnolia lëshon drone të quajtur Juggernauts kundër Legion. Pas viteve luftë, Republic shprehet se nuk ka patur asnjë vdekje nga lufta por në fakt është krejt e kundërta.
Juggernauts komandohen nga njerëzit e distriktit 86 të cilët konsiderohen nga Republic of San Magnolia si jo ekzistent. Vladilena Milizé është një ushtare e Republic me një sens të fortë drejtësie e cila është kundër diskriminimit ndaj njerëzve të 86. Pasi ajo vendoset si drejtuese e një grupi njerëzish 86, ajo krijon një marrëdhënie me ta e cila ka për ta çuar Vladilena drejt vuajtjeve.
Sezoni i dytë vazhdon ngjarjet e sezonit të parë dhe nis transmetimin më 3 tetor.
Takt Op. Destiny
Një meteor i zi përplaset në tokë dhe ndryshon komplet botën duke prodhuar krijesa të quajtura D2 të cilat pushtojnë çdo gjë. D2 zhdukën gjithë muzikën pasi ishte e vetmja gjë që ata nuk duronin. Por shumë njerëz i rezistuan D2 dhe ata ishin vajza të reja të cilat mbajnë fuqinë e muzikës dhe quhen “Musicart”. Këto vajza mbajnë fuqinë për të shkatërruar D2 por për ta bërë këtë gjë duhet të drejtohen nga njërëz të quajtur “Conductors”.
Historia zë vend në Amerikën e viteve 2047 e cila ka rënë për shkak të D2. Takt është një Conductor i cili është bërë partner me Musicart e quajtur Unmei. Takt dëshiron që muzika të kthehet përsëri kurse Unmei dëshiron të shkatërroj D2 dhe të dy kanë një qëllim të përbashkët që të udhëtojnë drejt New York.
Transmetimi i Takt Op. Destiny nis më 6 tetor dhe është një bashkëpunim i studiove të animacionit Madhouse e cila njihet për anime Monster, Hunter x Hunter dhe MAPPA e cila njihet për Attack on Titan Season 4, Jujutsu Kaisen dhe më shumë.
Komi Can’t Communicate
Është dita e parë e shkollës për Shouko Komi dhe ajo ka fituar popullaritetin dhe vëmendjen e pothuajse të gjithë shkollës. Por pavarësisht popullaritetit të saj, Shouko ka një problem: ajo nuk është e aftë komunikoj mirë.
Hitohito Tadano është një student normal i cili përpiqet të qëndrojë jashtë problemeve por ai e gjen veten të ulur afër Shouko dhe kjo e bën atë armikun e të gjithëve. Rastësisht ai zbulon se Shouko ka probleme në komunikimin me të tjerët dhe përpiqet ta ndihmojë atë.
Episodi i parë është transmetuar më përpara dhe transmetimi nis më 7 tetor.