Sezoni i Spring 2022 sapo ka hyrë dhe shumë anime të reja do të nisin së shpejti. Por lind pyetja se cilat prej tyre duhet të ndiqni. GameON ka bërë një listë me anime më interesante që mendojmë se duhet të ndiqni gjatë këtij sezoni.
The Rising of the Shield Hero Season 2
The Rising of the Shield tregon historinë e 4 Cardinal Heroes të cilët janë një grup heronjsh të cilët janë ngarkuar me detyrën për të shpëtuar mbretërinë e Melromarc nga rreziqet që i kanosen. Por në fakt Cardinal Heroes janë katër njerëz të thjeshtë nga bota moderne të thërritur në këtë botë.
Naofumi Iwatani zgjidhet si Shield Hero duke bërë që shumica e njerëzve ta nënvlerësojnë pasi ai nuk mund të luftojë dot tamam. Së shpejti ai tradhtohet nga një pjesëtar i grupit të tij duke u akuzuar në mënyrë të padrejtë për një krim të cilin nuk e ka kryer.
Naofumi niset në një rrugëtim për të pastruar reputacionin e tij duke mos i besuar askujt. Gjatë këtij rrugëtimi ai blen një sllav demi-human të quajtur Raphtalia për ta ndihmuar atë në udhëtimet e tij. Tashmë të dy duhet të luftojnë kundër rreziqeve që kërcënojnë mbretërinë dhe të mbrojnë njerëzit e saj.
The Rising of the Shield Season 2 vazhdon ngjarjet ku mbyllet Season 1. Anime e The Rising of the Shield Season 2 është animuar nga Kinema Citrus dhe transmetimi nis më datën 6 prill.
Kaguya-sama: Love is War Season 3
Miyuki Shirogane dhe Kaguya Shinomiya janë studentët kryesor të shkollës se Shuchiin Academy. Miyuki Shirogane është presidenti I kësaj shkolle kurse Kaguya Shinomiya është zëvendës presidentja dhe vajza e një familje të fuqishme.
Të dy ata e pëlqejnë njëri tjetrin por problemi më i madh që kanë është fakti që asnjë prej tyre nuk e di këtë gjë dhe nuk duan ta pranojnë të parët. Me nder dhe krenarin e tyre, Miyuki dhe Kaguya luftojnë me strategji nga më gazmoret për të bërë tjetrin të pranojë dashurinë e tyre dhe për t’u shpallur fitues në këtë betejë.
Kaguya-sama: Love is War Season 3 vazhdon ngjarjet ku mbyllet Season 2. Kaguya-sama: Love is War Season 3 është animuar nga A-1 Pictures dhe do të nis transmetimin më 8 prill.
Spy x Family
Spiuni Twilight punon natë e ditë për të ruajtur paqen dhe për të penguar luftën me shtetin fqinj Ostania. Dhe tashmë misioni i tij i fundit kërkon që ai të investigojë politikanin Donovan Desmond duke infiltruar shkollën e djalit të tij. Por për ta bërë këtë gjë, Twilight duhet të përballet me detyrën më të vështirë që ka patur ndonjëherë, të martohet, të ketë një fëmijë dhe të krijoj një familje.
Tashmë i maskuar me emrin Loid Forger, ai adapton vajzën 6-vjecare Anya për ta futur atë në shkollën e djalit të politikanit që duhet të investigojë. Rastësisht ai njihet me Yor Briar e cila dëshiron të impresionojë miqtë e saj duke u martuar me Loid Forger. Por Loid nuk njeh natyrën e fshehtë të gruas së tij të re. Yor punon gjithashtu edhe si assassin e njohur me emrin Thorn Princess.
Por diçka që ata të dy nuk e dinë është se Anya nuk është një vajzë e zakonshme. Ajo është një esper që i lejon asaj të lexojë mendjet e njerëzve që ka përreth. Pavarësisht se ajo njeh identitet e fshehtë të prindërve të saj, ajo vendos të mos e zbulojë dhe të përfshihet me punën e tyre duke e quajtur këtë gjë argëtuese.
Nën emrin e familjes “The Forgers”, spiuni, assassins dhe esper duhet të aktrojnë si familje teksa ata mbajnë edhe identitetin e tyre të fshehtë. Por kjo nuk do të shpëtojë pa situatat komike dhe gazmore që do të krijohen.
Spy x Family është animuar nga Wit Studio dhe CloverWorkes dhe do të nis transmetimin më 9 prill.
Komi Can’t Communicate Season 2
Shuoko Komi është një prej vajzave më popullore në shkollë. Por pavarësisht popullaritetit të saj, Shouko ka një problem: ajo nuk është e aftë komunikoj mirë.
Hitohito Tadano është një student normal i cili përpiqet të qëndrojë jashtë problemeve por ai e gjen veten të ulur afër Shouko dhe kjo e bën atë armikun e të gjithëve. Rastësisht ai zbulon se Shouko ka probleme në komunikimin me të tjerët dhe përpiqet ta ndihmojë atë.
Komi Can’t Communicate Season 2 vazhdon ngjarjet ku mbyllet Season 1. Komi Can’t Communicate Season 2 është animuar nga OLM dhe do të nis transmetimin më 7 prill.
Shikimori’s Not Just a Cutie
Shikimori nga jashtë mund të duket si e dashura perfekte: e bukur, argëtuese dhe e ëmbël. Por diçka që të tjerët nuk e dinë është se ajo ka edhe një anë të errët e cila shfaqet vetëm në raste të caktuara. Dhe i dashuri i saj Izumi i pëlqen të jetë më të kur kjo gjë ndodh.
Shikimori’s Not Just a Cutie është animuar nga Doga Kobo dhe do të nis transmetimin më 9 prill.
Aharen Is Indecipherable
Reina Aharen është një student e qetë por që nuk është e aftë të mbajë distancë ose të respektojë hapësirën e të tjerëve. Ndonjëherë atë mund të gjeni shumë afër dhe ndonjëherë mund ta gjeni shumë larg.
I vetmi që mund ta kuptojë atë është Raidou Mtasuboshi, i cili qëndron afër saj në klasë dhe është një djalë goxha i sjellshëm. Aharen Is Indecipherable tregon aventurat e Raidou dhe Aharen në ditët e tyre të zakonshme.
Aharen Is Indecipherable është animuar nga Felix Film dhe do të ka nisur transmetimin më 2 prill.
Skeleton Knight in Another World
Pasi e zë gjumi teksa luan video lojëra, një gamer zgjodhët duke e gjetur veten në botën e një loje si karakteri që ai ka krijuar, një skeleton. I pajisur me armë të fuqishme por me një pamje të frikshme prej skeleton, Arc duhet të gjej vendin e tij në këtë botë të re. Shpresat e tij për një jetë të qetë prishen kur ai njihet me një luftëtare elf e cila do ta bëj pjesë të aventurave dhe problemeve të saj.
Skeleton Knight in Another World është animuar nga HORNETS dhe Studio Kai dhe do të nis transmetimin më 7 prill.
Tomodachi Game
Yuuichi Katagiri ka patur një jetë të vështirë por ia ka dalë të qëndrojë pozitiv falë miqve të tij. Tashmë ai përballet me një problem tjetër, paratë për udhëtimin me shkollën e tij janë vjedhur dhe dyshimi bie mbi dy miqtë e tij. Edhe pse të pafajshëm, ata e pranojnë përgjegjësinë për këtë vjedhje.
Disa ditë më vonë, Yuuichi dhe miqtë e tij ftohen për të takuar njëri tjetrin por bien pre e një kurthi. Pasi ata zgjohen në një dhomë misterioze, ata kuptojnë se duhet të luajnë disa lojëra që duhet të provojnë miqësinë e tyre. Por shumë sekrete dhe tradhti shfaqen dhe Yuuichi duhet të zbulojë se cilit duhet t’i besoj.
Tomodachi Game është animuar nga Okuruto Noboru dhe do të ka nisur transmetimin më 5 prill.
Anime të tjera që duken interesante dhe rekomandojmë që duhet t’i hidhni një sy:
1. Summertime Render
3. Science Fell in Love, So I Tried to Prove It r=1-sinθ